Aktorja e humorit Rudina Dembacaj dhe ish-deputeti Mark Frroku janë kthyer në çiftin më të komentuar në media dhe çdo ditë aktorja na zbulon më shumë për lidhjen e tyre falë pyetjeve në Instagram.
Ditën e djeshme Rudina ka treguar se Marku i ka propozuar shumë natyrshëm dhe ishte i pari që i shprehu ndjenjat.
“Ndodhi shumë natyrshëm në fakt! Marku u shpreh i pari”– u përgjigj Rudina.
Ndërkohë pak kohë më parë e ftuar tek “E diell”, Rudina tregoi edhe si kuptoi që kishte rënë në dashuri.
“Më përpara kuptova që kisha rënë unë brenda me të. Nuk e kuptova nga Marku që edhe ai më donte. E kuptova që kisha rënë brenda se fillova të emocionohesha tepër nga ky person. Takimin me Markun nuk e harroja kurrë”– u shpreh Rudina pak kohë më parë.
