“Për Ramën, mjekët e infermierët janë thjesht numra”/ Vokshit: Testimi urgjent i bluzave të bardha duhet të jetë prioriteti 1 i Qeverisë

Ish-deputetja e PD-së, Albana Vokshi ka renditur disa fakte se si kryeministri Edi Rama me propagandën hipokrite ndaj mjekëve dhe infermierëve po fsheh shfrytëzimin çnjerëzor të tyre.

Përmes një postimi në rrjetet sociale ajo bën me dije se Shqipëria zë vendin e parë në botë për numrin e personelit mjekësor të infektuar me COVID-19, 14%.

Ish-deputetja ka publikuar dhe denoncimet se si një mjeke i kishin refuzuar kërkesën për ta bërë testin e koronavirusit, apo dhe mosbërja e testeve për mjekët që kishin patur kontakt me shefin e Laboratorit të Mikrobiologjisë në QSUT, i cili rezultoi pozitiv me COVID-19.

Sipas saj, për Ramën tamponi është më i shtrenjtë se jeta e një mjekeje, infermiereje, apo qytetari.

Albana Voskhi i bën apel qeverisë që të bëjë urgjent testet për bluzat e bardha pasi ata janë lënë pa asnjë masë mbrojtëse.

Postimi i Vokshit:

PROPAGANDA E RAMËS, VIRUSI QË PO KËRCËNON MJEKËT!

Kryeministri me propagandën hipokrite ndaj mjekëve dhe infermierëve po fsheh shfrytëzimin çnjerëzor të tyre.

  1. Numri i mjekëve dhe infermierëve të prekur nga COVID-19 rritet çdo ditë. Shqipëria zë vendin e parë në botë për numrin e personelit mjekësor të infektuar me koronavirus, 14%, duke lënë pas edhe Italinë dhe vendet e tjera të prekura nga pandemia.
  2. Një mjeke denoncoi publikisht autoritetet shëndetësore se i kishin refuzuar kërkesën për të bërë analizën COVID-19, kur ajo u kishte referuar kolegëve simptomat e virusit. Disa herë kishte telefonuar 127-ën, për të kërkuar një tampon. Por siç duket 127-a nuk bën analiza pa pëlqimin e “babës…” !

Për Ramën, tamponi është më i shtrenjtë se jeta e një mjekeje, infermiereje, apo qytetari, por ky rast i denoncuar i çjerr maskën e propagandës për mjekët.

  1. Para disa ditësh, Shefi i Laboratorit të Mikrobiologjisë në QSUT rezultoi pozitiv me COVID-19. Prej disa ditësh kolegët e tij të laboratorit ne të cilët ka qenë në kontakt me të, kërkojnë të bëjnë analizën për të mësuar nëse janë prekur ose jo edhe ata. Por autoritetet refuzojnë duke vënë në rrezik jo vetëm jetën e tyre, por edhe të familjarëve të tyre dhe të dhjetra pacientëve, që ju nënshtrohen analizave në këtë laborator për shërimin e plotë ose jo nga koronavirusi.
LEXO EDHE  Shpërndanin doza të vogla kokaine, arrestohen dy persona! Detajet

Personeli i laboratorit është lënë gjithashtu pa asnjë masë mbrojtëse. Ata janë pajisur me veshjet mbrojtese vetëm një ditë sa për fotot dhe videot e urdhëruara nga ministrja e propagandës shëndetësore.

Po, nëse personeli mjekwsor sëmuret, a e di Rama të thotë kush do t’i bëjë analizat në laborator? Kush do të shërbejë, mjekojë e kujdeset për pacientët?

  1. Në PD vijnë cdo ditë dhjetëra mesazhe e telefonata nga mjekë, infermierë që qëndrojnë të sëmurë me ditë të tëra, në shtëpitë e tyre të izouar, të frikësuar për familjarët e tyre e të braktisur nga shteti që ju refuzon edhe tamponin. A e di Rama dhe ministrja e tij e Shëndetësisë se sa janë dhjetëra mjekët dhe infermierët që qëndrojnë në shtwpi me qera e në hotele për të mbrojtur familjarët e tyre nga infektimi?

Sot, mjekë e infermiere janë krejt të pambrojtur. Ndaj, #testimi, #testimi, #testimi periodik i stafit mjekësor në spitale e qendra shëndetësore është #emergjencë.

#Testimi urgjent i #personelit #mjekësor në spitalet #Covid, personelit mjekësor të urgjencave në QSUT, i stafit të laboratoreve, i mjekëve në qendrat shëndetësore duhet të jetë prioriteti #1 i Qeverisë.

#Testimi, #gjurmimi, #trajtimi dhe #izolimi i rasteve janë mënyra e vetme për kufizimin e përhapjes së coronavirusit.

Për Kryeministrin, mjekë e infermierë janë thjesht numra, ata i shërbejnë për propagandë. Por #propaganda nuk mbron jetë. Përkundrazi, në këtë situatë, rrezikon jetë.

Nëse nuk mbrojmë jetën dhe shëndetin e stafit mjekësor, rrezikohet jeta dhe shëndeti i çdo qytetari.

#NdalPropagandënMeMjekët

#MbroMjekët

#MbroJetë