Luciano Moggi, ish-drejtori i përgjithshëm i Juventusit, ka folur për gazetën “Libero”, në lidhje me situatën e paqartë në të cilën ndodhet futbolli për shkak të coronavirusit.
82-vjeçari ka thënë se futbolli aktualisht është në duar të atyre që nuk dinë të marrin vendime të rëndësishme apo përgjegjësitë që i takojnë.
“Nuk ju duket, miq lexues, që ka shumë konfuzion dhe shumë pak kokë që komandojnë? Ose e thënë më mirë, nuk ka asnjë që të marrë frerët në dorë? Problemi i këtij futbolli është që mungon një njeri që të marrë vendime të vërteta”.
“Nuk është e lehtë, sigurisht, dhe e di mjaft mirë. Por, si drejtues, i kam marrë gjithmonë përgjegjësitë e mia në zgjedhjet që bëja. Sot askush nuk i merr”.
Moggi ishte drejtor i Juventusit, kur Zonja e Vjetër u dënua dhe ra në Serie B, ndërsa është personi më i komentuar i “Calciopolit”.
