Mjekja Ornela Gelaj, e cila po shërben në spitalin e Breshias, në luftën ndaj Covid-19, përmes një mesazhi shprehet se jeta do të triumfojë ndaj pandemisë, që ka shkaktuar mijëra të vdekur në mbarë Botën.
Italia është shteti më i prekur në Europë, bashkë me Spanjën, jo vetëm nga numri i të infektuarve, por edhe viktimave.
Gelaj është pjesë e ekipit të mjekeve dhe infermierëve shqiptarë që udhëtuan drejt Italisë për të ndihmuar kolegët e tyre italianë.
“Pavarësisht vështirësive, këtu mbizotëton fryma pozitive se do t’ia dalim për ta përballuar këtë situatë”, shkruan Gelaj.
Mesazhi i mjekes
“Unë besoj se jeta do të triumfojë, ndaj pranova menjëherë t’i bashkohem ekipit të mjekëve italianë në vijën e parë të përballjes me #COVID19. Pavarësisht vështirësive, këtu mbizotëton fryma pozitive se do t’ia dalim për ta përballuar këtë situatë” – Dr. Ornela Gelaj është pjesë e ekipit shqiptar që sot luftojnë në vijën e parë të luftës në spitalin civil të Breshias në #Itali!
#FORCA
#JEMIMEJU 🇦🇱🇮🇹
