Pas ndarjes nga jeta të boksierit dhe trajnerit të shquar të ekipit kompbëtar Skënder Kurti ka reaguar edhe Presidenti Ilir Meta. Më një postim në Facebook, Meta i shpreh ngushëllimet familjes së të ndjerit ndërsa shkruan se Kurti ka qenë I admiruar për shumë breza për rezultatet e tij në ring.
Mesazhi
Me hidhërim të thellë mësova lajmin tragjik të ndarjes nga jeta të boksierit🥊 dhe trajnerit të shquar të Ekipit Kombëtar🇦🇱, njërit prej ikonave të sportit kryeqytetas, Skënder Kurti!
I admiruar nga të gjithë brezat e sportdashësve për rezultatet e tij në ring dhe pasionin e jashtëzakonshëm për sportin e dorezave, Ner Kurti gëzonte respektin e të gjithëve, veçanërisht të tironasve të mrekullueshëm që aq shumë e donin dhe i donte!
Edhe në këto ditë të vështira i madhi Ner Kurti luftoi fort, si një kampion që nuk dorëzohet lehtë!
I shpreh ngushëllimet më të sinqerta familjes Kurti, të afërmve, bashkëpunëtorëve e miqve të shumtë, në veçanti qytetarëve të Tiranës e tifozave të ngjyrave bardhë e blu⚪🔵 për këtë humbje të pazëvendësueshme!
LAMTUMIRË KAMPION!
