onat panoramike të Pekinit, përfshirë seksionin Juyongguan të Murit të Madh kinez si edhe varret e dinastisë Ming, do të rihapen për publikun sot, pas dy muajve të mbylljes për shkak të epidemisë Covid-19, thanë autoritetet lokale, sipas agjencisë zyrtare kineze të lajmeve, Hsinhua, që citohet nga agjencia italiane e lajmeve, ANSA.
Vizitorëve do t’u kërkohet të prenotojnë biletat përmes platformave në internet.
Atyre do t’u kontrollohet edhe temperatura e trupit në hyrje.
Zonat panoramike do të jenë të hapura nga ora 09:00 deri në orën 16:00 çdo ditë dhe do të kufizojnë numrin ditor të vizitorëve në më pak se 30% të kapacitetit normal të turistëve.
Para hapjes së seksionit Juyongguan, seksioni Badaling i Murit të Madh në veri të Pekinit u hap pjesërisht për turistët më 24 mars.
