Një numër në rritje, i bisedave në rrjetet sociale edhe jashtë tyre, hedhin hipotezat se një lidhje tinëzare midis rrjetit të 5G dhe koronavirusit.
Pretendimet që sugjerojnë se Covid-19 shërben si mbulesë për rreziqet shëndetësore të 5G, ose që vetë teknologjia dobëson sistemin imunitar janë vetëm dy nga një numër teorish në qarkullim për të cilët ekspertët thonë se janë “të pabaza”, raporton Euronews.
Por edhe shumë persona të famshëm janë bashkuar në diskutime të tilla, me aktorin amerikan Woody Harrelson duke ndarë një postim në Instagram që lidhte 5G me pandeminë, duke sugjeruar se Organizata Botërore e Shëndetit ishte paralajmëruar kundër rrjetit celular për shkak të sëmundjes.
Çfarë është 5G?
5G është gjenerata e pestë e teknologjisë së komunikimit pa tel që mbështesin rrjetet celulare.
Miratimi në shkallë të gjerë filloi në vitin 2019 dhe sot pothuajse çdo ofrues i shërbimit telekomunikues në botën e zhvilluar është duke përmirësuar infrastrukturën e tij për të ofruar funksionalitet 5G.
Ajo funksionon në një frekuencë të valës më të lartë se paraardhësit e saj në mënyrë që të lejojë këtë përmirësim në përdorim.
Cilat janë pretendimet në lidhje me 5G që janë të dëmshme për shëndetin?
Para shpërthimit të Covid-19, tashmë kishte diskutime për efektet që 5G mund të ketë në shëndetin e një personi, për shkak të këtyre frekuencave më të larta dhe llojit të rrezatimit që lëshon.
Por që nga shpërthimi, bisedat për 5G duket se e kanë gjetur veten të lidhur me sëmundjen me njerëzit që pretendojnë se mund të përkeqësojë përhapjen përmes frekuencave të tij, ose duke dobësuar sistemin imunitar.
Të tjerë hedhin hipoteza se se virusi po përdoret për të mbuluar efektet e rrezikshme të rrjetit celular.
Pra – a është e lidhur 5G me coronavirusin?
Përgjigja e shkurtër është jo.
Në fakt, qeveria e Mbretërisë së Bashkuar ka shkuar më tej për të thënë se midis tyre nuk ekziston “asnjë lidhje e besueshme”.
Ndërkohë, Mobile UK, një sindikatë për ofruesit britanikë të telefonisë celulare, gjithashtu komentoi pretendimet “e pabaza” që thuhej se “nuk ishin të bazuara në teorinë e pranuar shkencore”.
“Disa njerëz gjithashtu po abuzojnë me punëtorët tanë kryesorë dhe po bëjnë kërcënime për dëmtimin e infrastrukturës nën pretekstin e pretendimeve rreth 5G”, u shpreh kompania nga Mbretëria e Bashkuar.
