Avokati Altin Goxhaj denoncoi sot praninë e mjeteve të blinduara dhe ushtarëve të armatosur në bulevardin “Dëshmorët e Kombit”.
Goxhaj shprehet se prania e tyre është në kundërshtim me Kushtetutën.
“10 minuta pas denoncimit tim me video live i hoqën ushtarët e armatosur me armë në gadishmëri dhe mjete të blinduara në kundërshtim me ligjin dhe Kushtetutën nga Bulevardi Dëshmorët e Kombit”, shkruan Goxhaj në rrjetin social.
Goxhaj denoncoi më herët se ushtarë të armatosur rëndë me armë në gadishmëri dhe mjete të blinduara në kundërshtim me ligjin, Kushtetutën, me urdhër të paligjshëm, patrullonin në bulevardin Dëshmorët e Kombit.
“Urdhër i dhënë me telekomandë nga rrjetet sociale, nga cepi i minderit në Surrel (vetëm Presidenti në gjumë e ka tagër si Komandant i forcave te armatosura), janë vendosur në rrugët e Tiranës si kërcënim për popullin e dënuar me rrënim, falimentim, uri, genocis në kuadër të Axhendës Soros për Rrënimin Falimentimin dhe Shpopullimin e Shqipërisë sipas Memorandumit të Vaso Çubrilloviç për Dëbimin e shqiptarëve nga Ballkani!!! Si Lyli si Meta bëjnë sikur flejnë se kur vjen puna me na e fut janë gjthm bashkë të gjithë!”, shkruante Goxhaj, duke publikuar edhe videon e mëposhtme.
