Futbolli në Bjellorusi vazhdon të luhet dhe duket se asgjë nuk do të ndryshojë.
Sekretari i Federatës së Futbollit të Bjellorusisë, Sergei Zhardetski, ka thënë se për sa i përket situatës në vend nuk ka ndonjë arsye që futbolli të pezullohet, pavarësisht përhapjes së gjerë të pandemisë në vendet e tjera të botës.
“Ne rishikojmë situatën në baza ditore. Ne besojmë në sistemin tonë shëndetësor dhe aktualisht nuk ka ndonjë arsye për të ndalur ligën”.
“Ne e kuptojmë se situata në disa vende është serioze, por ne jemi konsultuar me autoritetet bjelloruse dhe kemi kuptuar se liga jonë mund të vazhdojë”, ka thënë Sergei Zhardetski.
