Kryeministri Edi Rama mblodhi sot online Komitetin Teknik të Ekspertëve. Gjatë fjalës së tij, mjeku Tritan Kalo tha se, masat e marra janë të domosdoshme për të frenuar përhapjen e koronavirusit.
“Sëmundja nuk ka arritur ende në fazën për të shfaqur të gjitha mënyrat e përhapjes dhe të elementëve klinikë që ka. Ecuria e sëmundjes është e tillë që do të paktën 5-6 javë për të treguar fytyrën e saj të vërtetë. Dhe sëmundja ende nuk ka arritur në fazën për të shfaqur të gjitha mënyrat e përhapjes dhe të elementëve klinikë që ka. Jemi akoma në atë fazë ku të kapim katin e sipërm të ndërtesës që pastaj të ecim në tarracë e të zbresim në shkallët poshtë”, u shpreh mjeku.
