Ndriçim Shtubina është bërë futbollisti i parë i Kategorisë Superiore i cili i është nënshtruar testit ndaj Covid-19.
Arsyeja është pasi një i afërm i lojtarit ka rezultuar pozitiv ndërsa siç duket, Shtubina ka pasur kontakte me të dhe për pasojë është detyruar të marrë masat e duhura. Aktualisht lojtari është në pritje të përgjigjes ndërsa qëndron i izoluar. – bën të ditur “abc news”.
“Sot kemi një rritje të rasteve me COVID-19. Falënderim për mjekët dhe grupin e ngritur nga Ministria e Shëndetësisë për kryerjen e testeve. Sot i kryem testimin sportit të Vllaznisë, Ndriçim Shtubina, pasi ka dalë një i afërm i tij me virus.
Shtubina nuk ka simptoma për momentin dhe e kemi karantinuar në shtëpi. Tani po presim përgjigjen. Shpresojmë të mos dalë i infektuar. Ju lutem sportistë, mos dilni për stërvitje jashtë ambientit të shtëpisë. Evitoni kontaktet me shokët tuaj. Me një sforcim do e kalojmë këtë situatë”, shkruan mjeku Ilirjan Haxhaja.
