Avioni me të cilin Lionel Messi bën udhëtimet personale, është detyruar të bëjë një ulje emergjente në aeroportin e Brukselit “Zavantem” mëngjesin e sotëm për shkak të disa problemeve teknike.
Emrat e personave që kanë qenë në bord nuk dihen, por avioni bëri një ulje të detyruar, ndërsa ishte nisur drejt Tenerifes në orën 09:10 sipas portalit belg “HLN”.
Mjeti ajror u ul në aeroportin e Brukselit për herë të parë rreth orës 09.18. Më pas, teksa kishin kaluar rreth 1 orë e gjysmë u nis përsëri në fluturim, ndërsa 43 minuta më pas u kthye përsëri në Bruksel.
Messi e bleu avionin në vitin 2018 për shifrën e 12 milionë eurove, ndërsa ai e ka personalizuar atë me numrin e fanellës së tij 10 në bisht, ndërsa ka shkruar edhe emrat e fëmijëve, gruas dhe vetes në shkallët e avionit.
