Policia e Shteti ka vënë në pranga një tjetër person të shpallur në kërkim në kuadër të operacionit të koduar “Vol-Vo-4”
Në pranga është vënë shtetasi Q. M., 52 vjeç, banues në Tiranë.
Ky shtetas ishte shpallur në kërkim nga Departamenti i Policisë Kriminale në Policinë e Shtetit, në tetor të vitit 2018, në kuadër të operacionit policor Vol-Vo 4.
Gjykata e Shkallës së Parë për Krime të Rënda Tiranë ka caktuar masën e sigurimit personal “Arrest në burg” për shtetasin Q. M., pasi dyshohet se ka kryer veprën penale “Korrupsioni pasiv i funksionarëve të lartë shtetërorë ose i të zgjedhurve vendorë”.
Materialet i kaluan Prokurorisë, për veprime të mëtejshme.
Gjatë operacionit “VOL-VO 4” n në të gjithë Shqipërinë në 2018, u goditën 4 grupe kriminale me 44 urdhër-arreste. 27 persona u vunë në pranga brenda një dite, ndërsa baza e këtyre bandave ishte në Shijak dhe Lezhë. U arrestua edhe ish-deputeti Arben Ndoka, që më pas u la i lirë.
