Kryetarja e bashkisë së Shkodrës akuzon ministren e Mbrojtjes se nuk i ka kaluar ende fondin 300 milionë lekësh për përballimin e emergjencës koronavirus. Sipas saj, këto janë fonde të kushtëzuara që do të duhej të kishin kaluar prej ditësh.
Prefekti i Shkodrës përmes urdhrit të 31 marsit ka kërkuar nga bashkisë të rritin në 4 për qind fondin e emergjencës për parandalimin e koronavirusit. Por në Shkodër kryetarja e bashkisë Voltana Ademi shprehet se janë 330 milionë lekë që ministria e mbrojtjes nuk ia ka kaluar ende, duke vënë në vështirësi këtë institucion
Ademi: Në degën e thesarit nuk është alokuar për bashkitë, diferenca, ajo që kërkohej 2.3% e totalit. Ne na mungojnë nga fondet e kushtëzuara 33 mln lekë e 707 mijë.
Për Ora News ajo shpreh rezerva dhe për shkurtimin me 50% të pagës së administratës shtetërore.
Ademi: Prandaj nuk ka kuptim në aspektin e shpërblimit të një pune për të cilin kërkohet angazhim. Ti duhet ta kryesh për të cilën ti nuk paguhesh. Unë mendoj që kjo nuk është e drejtë për asnjë.
Bashkitë deri më tani po e përballojnë të vetme emergjencën dhe nevojat janë të mëdha thotë Ademi. Por kryebashkiakja e Shkodres ndërsa flet për ndihmën e dhënë ndaj familjeve në nevojë, sqaron edhe vendimin për të falur 3 muaj taksat ndaj biznesit dhe familjes. Skema e humbjes do të kompensohet nga performanca e arritur në 2019-en.
Ademi: Numri i atyre familjeve që kërkojnë ndihmë për bashkinë e Shkodrës do të rritet disa fis. Kjo bëhet barrë e madhe për bashkinë dhe territorin
Me dhjetëra familje në qarkun Shkodër ndodhen në vështirësi të mëdha financiare dhe apelojnë për ndihmë ne këto dite te vështira që ka krijuar Covid 19./OraNews.tv
