Ish-ministri i Drejtësisë Ylli Manjani ka reagur në lidhje me situatën që po përballët vendi ynë me COVID-19.
Në një postim në rrjetet sociale, Manjani shkruan se qeveria por edhe mjekët që sipas tij “më shumë dolën në televizor sesa shkuan në punë” vazhdojnë me të njëjtën shprehje në dy javët e fundit se kjo javë është vendimtare.
Më tej, Manjani shprehet se kjo shprehje nuk ka asnjë loghjikë shkecore të bazuar në shifra, dhe sipas tij njerëzit, të terrorizuar krahas parashikimit të motit u duhet të shohin edhe parashikimet e orkestruara nga Komandatura e Surrelit.
“Italia bën 30 000 testime në ditë, kori këtu shet pordhë se ka bërë 1500 për 1 muaj!!” – shkruan Manjani.
Postimi i plotë:
Dy javët e fundit thanë: “kjo javë është vendimtare”. Me këto deklarime bllokuan çdo gjë duke terrorizuar në ekstrem njerëzit në nevojë për informacion.
Në kor e thanë edhe mjekët, që më shumë dolën në televizor sesa shkuan në punë, por edhe Pacienti Zero. Si orkestër dasmash që u bien veglave me vesh. (Shprehje e përdorur dikur nga Ai)
Asnjë llogjikë shkencore të bazuar në shifra. Veç panë vdekjet në Itali dhe tundën shkopin ndaj njerëzve në Shqipëri…
Ndërkohë Italia bën 30 000 testime në ditë, kori këtu shet pordhë se ka bërë 1500 për 1 muaj!!! Raportojnë vdekje të larta të lidhura me COVID19, sepse testojnë më shumë.
Por orkestra jonë vijon me të njëjtën shprehje ” kjo javë so jetë piku”… Teste modeste, por fatalitete jo dhe aq…!!!
Njerëzit, të terrorizuar krahas parashikimit të motit u duhet të shohin edhe parashikimet e orkestruara nga Komandatura e Surrelit.
Kjo e fundit po sfidon gjithë botën mbarë me zbatimin e shprehjes “druri la dalë nga xheneti”. Vijon të damkosë këtë popull mjeshtrisht!!!! 😩😩😩
Ka shumë, ende shumë që e pëlqejnë edhe këtë shprehje por edhe vetë drurin. Kuptohet, deri në pikën që u kërcet në kurrizin e vet.
Orkestra vazhdon pa u lodhur: “kjo javë…, piku…., me pikatore…., grafiku….., tamponët…., lajmë duart…., javën që vjen….,fundi i prillit….., fundi i botës….., “.
Zot na ruaj, dmth!
