Pas akuzave nga PD, se kryeministri Edi Rama nuk e ka deklaruar arrestimin e tij në Itali, të thënë nga vetë ai në mnjë emision televiziv, ka ardhur kundërpërgjigjia nga kreu i qeverisë.
Në një postim në Twitter, Rama shkruan se foli për racizmin antishqiptar dhe mori shembullin e sherrit me policin në aeroport dhe jo se ishte ndaluar nga policia.
“O Zot të lutem në gjunjë t’u japësh pak vaj për kandilin e trurit, se u është fikur krejt e nuk dinë ç’nxjerrin nga terri i gojës! Unë flas me mediat italiane për racizmin antishqiptar në Itali gjatë viteve ’90, duke sjellë shembull një sherr me një polic në aeroport, po këta?!
Këta flasin për formularin e dekriminalizimit ku s’paskam deklaruar ndalimin nga policia! O Zot pse nuk e pate mendjen kur i krijove këta, po i le si karabina pa mure, pa elektrik, pa ujë?! Ndërhyr Zot i madh se gjynah këta, po gjynah edhe ky popull që çfarë nuk dëgjon prej tyre!” – shkruan Rama.
Ish-deputeti i PD-së, Dorian Bylykbashi akuzoi kryeministrin se faktin e arrestimit të tij në Bolonja të Italisë nuk e ka pasqyruar në formularin e dekriminalizimit dhe për këtë shkak humbet postin e kryeministrit dhe deputetit.
