Këngëtarja e njohur Adelina Tahiri ka dhënë një lajm të trishtë ditën e djeshme. Në një lidhje me Skype, në emisionin “Rudina” nga shtëpia e saj në Shkup, Maqedoni, Tahiri tregoi se ka humbur mikun e saj të ngushtë për shkak të koronavirusit.
“Ne në izolim jemi që tre javë të plota mund të them, jemi 1 javë më parë se të tjerët sepse e morëm më seriozisht. Të afërmit tanë thoshin hë se nuk është gjë, derisa filluan të jenë viktima në këtë shtet. Ne humbëm një njeri të afërm tonin që e përjetuam shumë keq para dy ditëve. Po në Greqi, ishte shok shumë i mirë i bashkëshortit. Ne ishim para dy muajve me të dhe sinqerisht nuk e prita dhe nuk di si të them. Të them sinqerisht fillova dhe më shumë të frikësohem sepse kur e përjeton në ndonjë të afërm, e përjeton dhe më keq dhe atëherë e kupton që me të vërtetë ka diçka që ne rrezikohemi të gjithë. Sepse asnjëri nga ne nuk e di se çfarë imuniteti kemi dhe çfarë organzimi kemi dhe si e pret atë virusi. Dua të them të mos jemi egositë, duhet të mendojmë dhe për të tjerët, për prindërit tanë, për njerëzit përreth neve dhe të mundohemi të izolohemi për të mirën e të gjithëve, jo vetëm për të mirën tonë,”– ka treguar Tahiri.
Këngëtarja u ka bërë thirrje të gjithë qytetarëve që të qëndrojnë të mbyllur në shtëpi.
Numri i personave të infektuar me koronavirus në vendin tonë ka shkuar në 259, numri i të shëruarve ka shkuar në 76 ndërkohë 15 persona të tjerë kanë humbur jetën.
