Kryetari i Partisë Demokratike Lulzim Basha në një deklaratë për mediat sjell në vëmendje situatën që është krijuar në pikat e kalimit kufitar me qytetarët shqiptarë që duan të futen në vend dhe të kthehen në familje. Basha I bënë thirrje qeverisë të marrë masa të menjëhershme për të zgjidhur këtë problematikë, ndërsa shton se duket se ata janë braktisur nga qeveria.
Deklarata
Kryedemokrati Lulzim Basha thotë se situata e shqiptarëve të mbetur në pikat kufitare është dramatike dhe kërkon ndërhyrje urgjente. Në një postim në Tëitter, Basha i kërkon qeverisë të lejojë kthimin menjëherë në shtëpi të tyre, ndërsa shton se asnjë shtet në botë nuk pengon qytetarët e vet të futen në atdhe.
“Situata e qytetarëve shqiptarë në pikat e kalimit të kufirit është dramatike dhe kërkon ndërhyrje urgjente. Qeveria të lejojë kthimin menjëherë në shtëpi të qytetarëve që prej 48 orësh mbahen peng në rrugë në pikat e kalimit të kufirit midis Shqipërisë dhe Greqisë e Malit të Zi.
Braktisja e qytetarëve është papërgjegjshmëri çnjerëzore. Asnjë shtet në botë nuk pengon qytetarët e vet të futen në atdheun e tyre dhe të shkojnë në shtëpinë e tyre”, shkruan kreu i PD.
