Një shpërndarës heroine në qytetin e Gramshit është vënë në pranga nga policia.
Bëhet fjalë për 52- vjeçarin me iniciale A.D., i dënuar më parë për veprën penale “Prodhimi dhe shitja e lëndëve narkotike”.
Ky shtetas shiste lëndë narkotike të llojit heroinë në qytetin e Gramshit.
Ai u kap me 82 doza me lëndë narkotike heroinë, 113.700 lekë, dy thika, dy aparate celular dhe një sasi fishekësh për armë gjahu.
Policia bën me dije se operacioni vijon për kapjen e personave të tjerë të përfshirë në këtë veprimtari kriminale.
Materialet procedurale do t`i kalojnë Prokurorisë pranë Rrethit Gjyqësor Elbasan, për kryerjen e veprimeve të mëtejshme hetimore, për veprat penale “Prodhimi dhe shitja e lëndëve narkotike“, “Prodhimi dhe mbajtja pa leje e armëve të ftohta” dhe “Prodhimi dhe mbajtja pa leje e armëve të gjuetisë dhe sportive”.
