Gruaja e Rustu Recber, ka përshkruar simptomat e rënda të burrit të saj, pasi ai rezultoi pozitiv me koronavirus.
Ish-portieri i Turqisë, u shtrua me urgjencë në spital në fundjavë, ndërsa mbetet akoma i shtruar dhe madje është raportuar se gjendja e tij nuk ishte e mirë.
Në një prononcim për median turke, “Fanatik”, gruaja e tij, Isil, tregon:
“72 orët e fundit kanë qenë shumë të vështira. Shpresoj që gjendja të përmirësohet, kapja e hershme e kësaj sëmundje është e rëndësishme. Virusi nuk qëndron në fyt apo në hundë. Ai lëviz shpejt dhe futet në mushkëri, aty ku shumohet dhe nis pneumonia”.
72 orët e para janë shumë kritike, Rustu ka pasur ethe për disa ditë radhazi. Ai ka pasur disa simptoma që nuk i ka përjetuar më parë. Ishte i pafuqishëm, i lodhur dhe kishte mungesë urie. Ndërkohë, lëkura e tij filloi të marrë ngjyrë gri, ashtu si dhe buzët e tij. Merrte frymë shpesh dhe me vështirësi, kishte edhe një kollë të vazhdueshme”.
