Stadiumi “Billie Jean King National Tennis Center” ku zhvillohet grand slam i “US Open”, në Nju Jork, është kthyer në një spital provizor, ku do të qëndrojnë personat e prekur nga coronavirus.
Kjo masë merret për t’u dhënë më shumë hapësira spitaleve të tjera në Nju Jork për të mbajtur të sëmurë. Qendra sportive ku luhen ndeshjet e US Open do të shërbejë si qendër vetëm për personat e prekur nga coronavirus.
Gjithashtu, vende të veçanta për të pritur pacientë të coronavirusit janë duke u ngritur edhe në Parkun Qëndror të New Yorkut. Në Amerikë ka shkuar në mbi 160 mijë numri i të prekurve nga virusi vdekjeprurës dhe gjysma e tyre janë pikërisht në Nju Jork.
