Peshqiri që mbante mbi supe Kobe Bryant gjatë fjalimit të tij të lamtumirës, pas ndeshjes së tij të fundit në NBA, u shit për mbi 33 mijë dollarë në një ankand në internet.
Presidenti i ankandeve, Jeff Wolf për CNN tha se blerësi i peshqirit është një adhurues i madh i Lakers.
‘Ai është një fans i madh i Lakers. Plani i tij është që të krijoj një muze më gjësende të Lakers në Kaliforni’, tha Wolf.
Ndeshja e fundit e Kobe Bryant në NBA ishte më 13 prill 2016 në një përballje kundër Utah Jazz, sfidë ku basketbollisti legjendar shënoi plot 60 pikë.
