Sezoni i parë i Griezmann te Barcelona ka qenë mjaft i vështirë. Mediat spanjolle kanë raportuar se francezi nuk përshtatet me lojën e Messit dhe për këtë arsye shpesh herë ai ka luajtur jo në pozicionin e tij natyral.
Duke parë këto vështirësi, është raportuar që Griezmann mund të largohet nga katalanasit, kjo edhe për t’i hapur rrugë transferimit të dy “fiksimeve” të Barcelonës, Lautaro Martinez dhe Neymar.
Por në një intervistë të fundit, Griezmann ka deklaruar që nuk ka ndërmend të largohet nga Barcelona pas vetëm 1 viti. E vetmja gjë që dëshiron të ndryshojë sulmuesi francez në këto momente, është numri në skuadër, ajo e numrit 7.
