Danimarka duket se do të jetë shteti i parë në Europë që do të heqë kufizimet e vendosura në kuadrin e parandalimit të përhapjes së Covid 19.
Danimarka e shpalli gjendjen e karantinës më 11 mars, ndërsa në prill po planifikon që të heqë gjendjen e karantinës pasi zyrtarët lajmëruan se vetizolimi rezultoi i suksesshëm.
Deri më tani në vend ka 77 viktima dhe 2577 të infektuar.
Danimarka ishte një nga vendet e para që vendosi të mbyllte kufijtë, madje ndaloi edhe fluturimet në periudhën kohore 14 mars deri në 13 prill.
Por duke se gjendja në vendin skandinav është përmirësuar dhe Kryeministrja Mette Frederiksen u shpreh se gjasat janë të mëdha që kufizimet të hiqen, pasi ka prova se Danimarka ia ka dalë me sukses që të shtyjë përhapjen e COVID-19.
