Një qytetar denoncon se prej orës 03:00 një grup qytetarësh shqiptarë kanë mbetur në tokë neutrale dhe nuk lejohen të hyjnë në kufirin shqiptar. Ai thotë se janë mbi 100 persona që ndodhen aty prej disa orësh dhe ndonëse kanë kërkuar ndihmë nga autoritetet ende nuk kanë asnjë përgjigje.
“Ndodhemi këtu nga ora 03:00 e mëngjesit. Kemi kërkuar ndihmë tek dogana e Kapshticës. Na kanë thënë që në orën 23:00 ka dalë një ligj që nuk lejohet të hyhet në tokën shqiptare. Ne në këtë moment kur këto kanë nxjerrë këtë ligj kemi qenë rrugës. Dogana e grekut na la të kalonim rehat, shumë mirë, erdhëm këtu por kemi nga ora 03:00 e mëngjesit dhe deri tani (ora 11:00) dhe nuk marrim asnjë përgjigje.”
I indinjuar qytetari thotë: Jemi pa ngrëmë, pa pirë, po rrimë jashtë nga ora 03:00 e mëngjesit. Jemi mbi 100 vetë, e dikush e respekton distancën sociale e dikush jo. Duket si lufta në Indi.
Ai kërkon ndihmë për një rrugëzgjidhje
‘Autoritet nuk na japin asnjë sqarim vetëm na thonë prisni, kur të vijë një urdhër I dytë. Ne nuk e denim që kufijtë ishin të mbyllur. Na thanë që me makinë të vogël dy vetë kalojnë. Dhe erdhëm shumë mirë në doganën greke, dhe në orën 23:00 policia greke na tha që nuk do lejohen shqiptarët të shkelin në tokën shqiptare”
Ai thotë se do të shkojë pranë familjes pasi ka të atin e sëmurë dhe se do të respektojë patjetër vetëkarantinimin dy javor.
/OraNews.tv
