Sulmuesi i Chelsea, Olivier Giroud, ka zbuluar se “përparësia” e tij gjatë merkatos së janarit, ishte të bashkohej me Interin.
Giroud dukej se ishte pranë një trasnferimi në Serie A dy muaj më parë, me Interin dhe Lazion të interesuar për shërbimet e tij, por Chelsea bllokoi gjithçka.
Kështu ka deklaruar Olivier Giroud, i cili ka folur për “Telefoot”.
“Në janar, doja të largohesha nga Chelsea. Pashë gjashtë muaj të komplikuar para meje. Kjo ishte dhe arsyeja pse pata dëshirën të ndryshoj skuadër. Unë u përpoqa të largohesha në janar. U bë gjithçka, por në fund Chelsea nuk donte të më linte”.
“Unë mund të largohesha vetëm pasi ata të kishin gjetur zëvendësuesin kjo gjë nuk ndodhi dhe unë mbeta në “Stamford Bridge”.
“Të gjithë e dinë se projekti i Interit ishte më interesanti për mua. Gjithashtu kisha oferta nga Lazio dhe Tottenham por dëshira ime ishte Interi”.
