Shkurtimi i pagave të futbollistëve, FIFPro paralajmëron klubet

Pas pezullimit të aktiviteteve futbollistike nga përhapja e coronavirusit, shumë klube kanë raportuar humbje të financave. Për të limituat këto humbje, marrja e vendimeve të jashtëzakonshme ka qenë e detyruar.

Kështu disa klube, siç është Barcelona, kanë vendosur të ulin pagat e futbollistëve ndërsa skuadra të tjera kanë prishur kontratat me lojtarët e tyre, shembulli i kësaj është ekipi zviceran i Sionit të cilët larguan nga skuadra 9-të lojtarë, midis tyre edhe Emir Lenjani.

Duke parë këtë situatë, Federata Ndërkombëtare e Shoqatave Profesionale të Futbollit (FIFPro) ka dalë me një komunikatë ditën e djeshme, duke ardhur në ndihmë të futbollistëve.

LEXO EDHE  Armando Broja merr ftesë nga Lampard për te ekipi i parë i Chelsea

Ata u shprehën se janë shumë të shqetësuar  që një numër i konsiderueshëm klubesh kanë filluar t’i largojnë ose t’u shkurtojnë pagat lojtarëve në mënyrë të njëanshme. Ata ua bënë të ditur klubeve se vendimet duhet të merren nga të dy palët dhe jo në mënyrë të njëanshme.

Gjithashtu FIFPRO u shpreh se shumica e futbollistëve që nuk janë pjesë e ligave më të mëdha në botë fitojnë një pagë të barabartë ose më të ulët se të ardhurat mesatare të vendit dhe ata do të preken seriozisht nga ulja e pagave.