Ç’ndodhi në 24 orët e fundit, ndëshkohen 74 këmbësorë, 34 drejtues mjetesh e 24 njësi tregëtare

74 këmbësorë, 34 drejtues mjetesh dhe 24 njësi tregëtare është bilanci i ndëshkimeve të 24 orëve të fundit nga strukturat e policisë në zbatim të masave të marra për parandalimin e përhapjes së COVID-19.

Mësohet se 71 shtetas, janë konstatuar nga uniformat blu duke lëvizur në këmbë apo me biçikleta, pa ndonjë arsye apo emergjencë, të cilët janë ndëshkuar me masë administrative 10.000 lekë.

Gjithashtu janë ndëshkuar me heqje të lejes së drejtimit dhe bllokim mjeti dhe 34 drejtues mjetesh që kanë shkelur urdhrin e ndalim qarkullimit.

LEXO EDHE  Çmendet moti/ Borë në Shqipëri në 30 maj (Foto)

Në të gjithë vendin janë konstatuar dhe 24 njësi tregtie që nuk kanë zbatuar orarin e mbylljes dhe ndaj administratorëve është marrë masë administrative 100.000 lekë për secilin.

Policia e Shtetit apelon për të gjithë qytetarët që të respektojnë masat kufizuese, të mos lëvizin as në oraret e lejuara pa ndonjë arsye, ndërsa pensionistët nuk lejohen në mënyrë kategorike të dalin nga banesa.