Kreu i UEFA, Aleksandër Ceferin, ka deklaruar se ligat evropiane të futbollit ende po shikojnë të gjitha opsionet dhe nuk përjashtojnë përfundimin e këtij sezoni, kjo nëse pandemia e koronavirusit ul ritimin e saj.
“Ne mund të fillojmë përsëri në mes të majit, ose madje edhe në fund të qershorit”, i tha Aleksander Ceferin të përditshmes “La Repubblica”.
“Por duhet theksuar se nëse asgjë nuk ka nisur pas këtyre datave, sezonet kanë të ngjarë të shpallen të pavlefshme, tha ai.
Ceferin nuk bëri të ditur kur UEFA do të nxjerrë një vendim të formës së prerë dhe theksoi se konsultimet me ligat kryesore dhe klubet janë ende duke u zhvilluar.
