Presidenti i Italisë, Sergio Mattarella, i ka bërë apel Europës për solidaritet dhe mbi të gjitha që të “kuptojë seriozitetin e kërcënimit” nga koronavirusi.
Mesazhi i Mattarellas vjen pas përfundimit “zhgënjyes” të samitit europian të krerëve të shteteve europiane ditën e enjte.
“Në Bashkimin Evropian, Banka Qendrore dhe Komisioni, ditët e fundit, kanë marrë vendime të rëndësishme dhe pozitive financiare dhe ekonomike, të mbështetura nga Parlamenti Evropian. Por Këshilli i krerëve të qeverive kombëtare nuk e ka bërë ende këtë. Kjo pritet të ndodhë konkretisht në ditët në vijim“, tha ai.Për Presidentin italian, “modelet e vjetra” duhet të tejkalohen, përndryshe rreziku është ai i shpërbërjes. “Shpresoj që të gjithë ta kuptojnë plotësisht, para se të jetë vonë, seriozitetin e kërcënimit për Evropën. Solidariteti nuk kërkohet vetëm nga vlerat e Unionit, por gjithashtu është në interes të përbashkët“, shtoi ai.
