Stephan El Sharaawy, pjesën më të madhe të karrierës së tij e ka kaluar në Itali, por ka pasur dhe një eksperiencë të shkurtër me Monacon në Francë. Ndërsa aktualisht 27-vjeçari është një lojtar i Shangai Shenua në Kinë.
Së fundmi, El Sharaawy ka dhënë një intervistë për “Sky Sport” ku ka folur për tema të ndryshme. Një nga temat më interesante, ishte ajo për lojtarët më të mirë me të cilët sulmuesi i talentuar ka luajtur në karrierën e tij, ndërsa futbollisti është përgjigjur:
“Kam luajtur me shumë yje, por po zgjedh nga një lojtar për secilin ekip ku kam qenë. I pari është Zlatan Ibrahimovic, kur isha te Milani. I dyti Francesco Totti te Roma dhe i treti Kylian Mbappe kur luanim bashkë te Monaco. Ndërsa idhulli im në futboll është Ricardo Kaka”. – është shprehur El Sharaawy.
