Gruaja e mesfushorit belg, Radja Nainggolan, është diagnostikuar me sëmundjen e kancerit dhe në këto momente të emergjencës, për shkak të Koronavirusit, ajo bën pjesë në shtresat e rrezikuara pas sistemit të dobët imunitar që ka.
Lojtari i Cagliarit, shpreh frikën se mos vetë ai infektohet me virusin e rrezikshëm dhe atë ia transmeton bashkëshortes së tij, sistemi imunitar i së cilës është i dobësuar nga seancat kimioterapike që ka zhvilluar.
“Claudia pa dyshim që ka një sistem imunitar të dobësuar. Shpresoj që e gjitha kjo të kalojë, sepse ajo është në rrezik të vazhdueshëm.
“Terapitë janë shtyrë dhe po evitojmë spitalet. Kam frikë për të, më duhet ta pranoj. Kam frikë se mos infektohem, nëse dal të bëj pazar, dhe ia kaloj asaj virusin”.
“Claudia ka lënë pas periudhën më të vështirë të sëmundjes, tani është në fazën e ruajtjes nga marrja e infeksioneve.” – ka thënë 31-vjeçari.
