Ministria e Shëndetësisë publikoi sot shifrat e reja mbi numrin e të prekurve nga koronavirusi, ndërsa janë shtuar 28 raste, duke e çuar numrin e të infektuarve në 174 persona.
E ndërsa janë shtuar rastet dhe Tirana kryeson listën, duket se harta është zgjeruar me Tropojën ku janë identifikuar dy rastet e para.
Bëhet fjalë për një çift të moshës 48 dhe 50 vjeç, që ndodhen të vetëkarantinuar në banesën e tyre. Mësohet se burri i infektuar është i punësuar në SHISH, ndërsa bashkëshortja e tij është mësuese.
Ndërkohë që mjekëve të spitalit, të cilët kanë patur kontakt me këtë dy persona, akoma nuk u është bërë testi për Covid 19.
Shpërndarja gjeografike e rasteve pozitive, është si vijon:
– Tiranë 102 raste
– Durrës 10 raste
– Lushnje 4 raste
– Elbasan 5 raste
– Rrogozhine 2 raste
– Fier 18 raste
– Kavaje 4 raste
– Korcë 11 raste
– Vlore 5 raste
– Shkodër 3 raste
– Lezhë 4 rast
– Berat 1 rast
– Has 2 raste
– Krujë 1 rast
-Tropojë 2 raste
