Sergio Ramos ka bërë publike bashkëpunimin e tij me UNICEF, në luftën e tyre kundër pandemisë së coronavirusit.
Kapiteni i Real Madrid-it, zbuloi se ai, së bashku me shokët e tij të skuadrës dhe klubin, kanë mbështetur nga ana financiare, një iniciativë për t’i ardhur në ndihmë spitaleve me furnizime mjekësore të nevojshme për luftimin e sëmundjes.
“UNICEF është përkushtuar të sjellë furnizime mjekësore nëpër spitale të cilat do të mbërrijnë ditën e premte. Së bashku me shokët e skuadrës dhe vetë klubi i Real Madrid po bashkëpunojmë me UNICEF. Të gjithë duhet të ndihmojmë”. – ka thënë Ramos.
Për momentin, kontributi financiar nuk është bërë publik, megjithëse Florentino Pérez do të japë më shumë detaje rreth kësaj në asamblenë e përgjithshme të entitetit të bardhë, që do të zhvillohet në shtator.
