Edhe pse Lojërat Olimpike u shtynë për në vitin 2021, emri zyrtar i tyre “Tokyo 2020” nuk do të ndryshojë.
Kjo gjë është konfirmuar nga Mori Yoshiro, shefi organizator i Olimpikeve, njëkohësisht edhe ish-kryeministër i Japonisë.
Gjithashtu është vendosur që flaka Olimpike, gjatë kësaj kohe do të qëndrojë në Fukushima, Japoni.
Lojërat Olimpike ishin programuar të startonin më 24 korrik 2020 dhe të përfundonin më 9 gusht, por për shkak të situatës së krijuar nga coronavirusi, Komuniteti Olimpik Ndërkombëtar (IOC), vendosi që ky event madhështor, të mbahet gjatë vitit 2021 por pa caktuar ende një datë.
