Dy futbollistë, Dayo Ojo dhe Benjammin Iluyomade janë rrëmbyer në rrugë nga disa agresorë të armatosur.
Dy të rinjtë, lojtarë profesionistë në Nigeri, janë rrëmbyer teksa ktheheshin nga grumbullimi me skuadrat e tyre për në shtëpi.
Lajmin e ka bërë të ditur, klubi nigerian, Enyimba, për të cilën luante njëri nga futbollistët, Dayo Ojo.
Incidenti ka ndodhur ditën e diel, teksa dy lojtarët të bashkëshoqëruar dhe nga një futbollist i tretë i quajtur Emmanuel James, po udhëtonin për në qytetin e Akures për shkak se kampionati u pezullua për shkak të përhapjes së Coronavirusit.
Ndërsa James i shpëtoi rrëmbimit, dy të tjerët nuk e patën këtë fat. Klubi Nigerian po mban kontakte me familjen e Ojos, i cili mendohet të jetë dhe objektivi nga autorët. Ndërkohe familja e tij ka kërkuar lirimin e tij, por ende nuk ka asnjë lajm mbi dy futbollistët e rrëmbyer.
https://twitter.com/EnyimbaFC/status/1241998503221645314
