Duke iu referuar të dhënave të mbledhura nga vendet e prekura masivisht, dëshmojnë se ka disa simptoma të fshehura, prej të cilave mund të kuptosh diçka. Rinologët në Britani janë shprehur se një humbje e menjëhershme e nuhatjes, mund të jetë një “simptomë e fshehur” e koronavirusit, edhe nëse kjo nuk shoqërohet me asnjë simptomë tjetër.
Në Korenë e Jugut, në Kinë dhe në Itali, një e treta e pacientëve që kanë rezultuar pozitivë ndaj koronavirusit, kanë raportuar vështirësi në nuhatje apo shije. Në Korenë e Jugut, ku testimet janë bërë në masë, 30% e pacientëve që rezultuan pozitivë, kanë patur problemin kryesor humbjen e nuhatjes/shijimit.
Ekspertët janë shprehur se shumë pacientë nëpër botë që janë të infektuar me koronavirus, kanë shfaqur vetëm këtë lloj simptome, dhe jo ato tipiket si temperatura e lartë, kolla apo vështirësia në frymëmarrje.
Rastet me tilla, “simptoma të fshehura”, janë rritur ndjeshëm edhe në SHBA, Italinë Veriore dhe Francë.
Vetë familja coronavirus mund të shkaktojë simptoma që variojnë nga një ftohje e butë deri në vdekje. Po cilat janë shenjat dhe simptomat e koronavirusit:
Ethe
Lodhje
Dhimbje fyti
Gulçim
Kollë të thatë
Sakaq, një studim i ri thotë se rritja e temperaturave dhe nivelit të lagështirës, do ta ngadalësojnë përhapjen e koronavirusit rreth globit, por jo ta ndalojë. “Temperaturat e larta dhe niveli i lartë i lagështisë, ulin në mënyrë të ndjeshme përhapjen e Covid-19″, shprehen kërkuesit e studimit.
