Juventus ka vendosur të rinovojë kontratën me portierin e saj legjendar, Giannluiggi Buffon.
Kontrata e Buffon me bardhezinjtë skadon në 30 qershor të këtij viti, ndërsa sipas “Goal”, klubi dëshiron të zgjasë shërbimet e tij edhe për një vit tjetër.
Legjenda e portës, në janar mbushi 42-vjeç dhe aktualisht është në sezonin e tij të 18-të me “Zonjën e Vjetër”, por duket se ky rekord do të thellohet.
Fillimisht, Buffon, erdhi te Juventusi në vitin 2001 nga skuadra e Parmës, duke zëvendësuar Edwin van der Sar dhe qëndroi deri në vitin 2018. 42 vjeçari kaloi një vit te Paris Saint-Germain por në verën e vitit 2019 bëri një rikthim të bujshëm te Juventusi.
