Duke iu referuar asaj çfarë shkruan gazeta italiane Corriere Dello Sport, ditën e nesërme është në program një tjetër mbledhje e UEFA-s ku do të diskutohet pikërisht për kalendarin dhe për mënyrën sesi mund të mbyllet ky sezon futbollistik pa cënuar sezonin e ardhshëm dhe Euro 2020 që do të zhvillohet në verën e vitit 2021.
Ideja më e fundit e presidentit të UEFA-s Ceferin është të ulë numrin e ndeshjeve në Ligën e Kampioneve dhe Europa League si dhe anulimin e ndeshjeve të skuadrave kombëtare gjatë muajit qershor. Ideja është që sezoni aktual të përfundojë brenda datës 30 qershor, pasi më tej mund të vinin në rrezik sezonin fubollistik vitin e ardhshëm.
