Asnjë qytetar nuk do të lejohet të lëvizë me makinën e tij pa plotësuar formularin e vetdeklarimit dhe pa marrë konfirmim për lëvizje, edhe në orarin 05:00 me 13:00
Sqarimin e ka dhënë vetë policia e cila bën me dije se edhe punonjësit e administratës dhe biznesit në oraret 05:00 deri në orën 08:00 dhe për kthim nga ora 12:00 deri në orën 13:00, do të lejohen vetëm, duke plotësuar formullarin e vetëdeklarimit.
Nga ky kufizim përjashtohen të gjitha automjetet e transportit të mallrave, produkteve ushqimore, fruta-perimeve dhe atyre blegtorale, me qëllim furnizimin e marketeve dhe minimarketeve dhe dyqaneve ushqimore.
Ndërkohë që pas orës 13:00 NUK lejohet të lëvizë asnjë qytetar, përjashtuar kthimin për në banesë të punonjësve të linjave prodhuese, të Shëndetësisë, Ushtrisë, Policisë së Burgjeve, SHPSF, të atyre personave që janë të përfshirë në listat e shërbimeve të bashkive dhe shërbimeve në banesë.
Pas orës 13:00 nuk lejohet të jenë hapur asnjë market, minimarket, apo farmaci dhe nga ky kufizim përjashtohen vetëm linjat e prodhimit të bukës, ushqimoreve, prodhimit të mishit dhe atyre blegtorale vetëm për të prodhuar, por ko për të tregëtuar.
Gjithashtu bëhet me dije se nuk lejohet lëvizja e këmbësorëve për shëtitje, sport e çdo aktivitet që nuk ka lidhje me furnizmimin me produkte për konsum.
Policia e Shtetit u bën thirrje qytetarëve që gjatë orarit të lejuar lëvizje, të mos qarkullojnë masivisht apo të mblidhen në parqe e lulishte, të ruajnë distancën në markete e minimarkete dhe të evitojnë në maksimum lëvizjet e kota, me qëllim parandalimin e përhapjes së COVID-19.
