Futbollisti i Kombëtares Shpresa ka përgënjeshtruar lajmin e publikuar në faqen e “Facebook”-ut të tij, ku thuhej se ishte pozitiv me COVID-19.
Në reagimin në faqen zyrtare në “Instagram”, Maloku sqaron se bëhet fjalë për një humor të zi, pasi atij i kanë vjedhur adresën e “Facebook”-ut, ndërsa nuk është i prekur nga virusi COVID-19.
“Djem, prej kohësh më kanë vjedhur profilin në Facebook, ju lutem bëjini report derisa të mbyllet. Më duhet të theksoj se nuk jam prekur nga koronavirusi dhe jam lodhur nga këta njerëz që kanë kurajon të tallen për gjëra kaq të rënda. Faleminderit”, shkruan Maloku në “Instastory”.
