Mbrojtësi i Napolit, Kalidou Koulibaly, duke filluar nga sezoni i ardhshëm nuk do të jetë futbollist i Napolit.
Të paktën këtë pretendim ka “The Mirror” të cilët të ardhmen e mbrojtësit senegalez e shohin te Manchester United. Pas blerjes së Maguire, së bashku me Coulibaly, “Djajtë e Kuq” do të “blindonin” qendrën e mbrojtjes me futbollistë të kalibrit botëror.
Çmimi i transferimit do të ishte rreth 90 milionë euro, një shifër që do t’iu jepte frymëmarrje financave të Napolit. Kësisoj, De Laurenttis nuk do të kishte asnjë problem të eksploronte për një zëvendësues të nivelit të lartë të senegalezit.
Emri i ri, sipas “La Gazzetta dello Sport”, është ai i Robin Koch, qendërmbrojtës i Freiburg dhe i kombëtares së Gjermanisë.
