Ivan Campo, ish-futbollist i Real Madrid, ka lëshuar kritika të ashpra në drejtim të politikanëve spanjollë për mënyrën se si po e menaxhojnë situatën që ka krijuar coronavirusi.
Sipas dy herë fituesit të Ligës së Kampioneve, çdo ditë në Spanjë situata po përkeqësohet për shkak të mungesës së aftësisë dhe koherencës të atyre që drejtojnë vendin.
“Duke dëgjuar kaq shumë mashtrime dhe gënjeshtra të vazhdueshme nga të gjithë politikanët e Spanjës, të cilët vunë medaljet e tyre duke ditur që po vinte një pandemi globale, dhe nuk kanë ngritur asnjë dreq gishti. Çdo ditë shkon drejt përkeqësimit për shkak të moskoherencës dhe paaftësisë së tyre”.
“Kam lexuar tani që Kryeministri po zgjat gjendjen e alarmit për krizën e koronavirusit edhe për 15 ditë të tjera nga sot. Por a nuk e bëtë një konferencë shtypi dje dhe a mund t’i komunikonit kombit? Në cilën m** bote jetoni?”, ka reaguar ish-lojtari spanjoll i Realit të Madridit, Kampo.
Pas Italisë, Spanja është vendi i dytë më i prekur në europë nga coronavirusi, ku aktualisht, janë shënuar 1,813 viktima dhe 29.909 të infektuar.
