Nga Boldnews.al
Ushtria në rrugë mirë, po mitralozët mbi kabinë për çfarë duhen? Terrori, frika, kërcënimi për spërkatje me ujë, e madje edhe me gazin e Lleshajt, janë masat represive që kryeministri Rama paralajmëron për këdo që sipas tij shkel orarin e vendosur për të lëvizuar dhe kushdo tjetër që bredh rrugëve gjobitet, shpërndahet me forcën e ujit, madje edhe të gazit lotsjellës.
Ndërsa në çdo fjali përmend; gjobë, burg, gaz lotsjellës, ushtri, polici, tradhtar nuk gjen qoftë edhe një moment të tregojë përulje për ato shtresa në nevojë që janë mbyllur në shtëpi, por vuajnë për ushqimet e përditshme. “Mos bëhen merak këta fukarenjtë nga mendja e kokës që një e dy rrinë e shkruajnë se po vdesim, se ska vdek asnjë shqiptar as në mesjetë as për 50 vjet kur jetonte me 200 kalori në ditë”-tha Rama në një mesazh nga rrjeti social, i shtrirë rehatishëm në prej kolltukëve të shumtë të kullës së tij.
Që të gjitha aplikohen nëse shkilet ajo fshaë orari e përcaktuar nëpërmjet telefonit të kryeministrit, ku statuset e tij në rrjetet sociale i gjithë zinxhiri zbatues i shtetit po i kthen në vendime.
Kjo është ajo që kërkon Rama, të mos pranojë varfërinë, por edhe urinë. Ajo që e çmend më tepër është e vërteta. Ti përmendësh se janë mbi 300 mijë familje që jetojnë nën minimumin jetik, Rama tërbohet. Kurrë nuk është në gjendje që ta mohojë, por ai e relativizon skamjen. E konsideron diçka normale, madje sipas tij të marrësh statusin e të “varfërit” nuk duhet të kesh telefon. Sipas tij, i varfër nuk mund të quhesh kur jeton edhe me 200 kalori në ditë, që janë minimumi për të mbajtur shpirtin gjallë, por për një kohë jo shumë të gjatë.
Ai nuk e lëshon fjalën ashtu kot në tym, por qytetarëve sot u kujton mesjetën dhe komunizmin, duke i kthyer shumë pas në kohë, jo për të treguar se jemi mirë, por ka edhe keq e më keq, madje këtë e përdor si kërcënim, se i ka të gjithë mundësitë të na rikthejë në çdo epokë që ai dëshiron, qoftë edhe në mesjetë për nga mënyra e jetesës, ndaj falenderimet duhet të shkojnë për të që po tregohet kaq “mëshirëmadh”.
Në kokën e tij, vendi është i lulëzuar sipas propagandës me Rilindas nëpunës
të lumtur dhe me biznesmenë të mëdhenj që numërojnë qindra milionë euro edhe në kohë coronavirusi, madje e shohin si kohë e artë për ti shtuar edhe më shumë. Thotë nëse mërziteni në shtëpi “bjerini murit me kokë”, mos dilni. Për një kategori njerëzish, që edhe në kohë paqeje frymojnë parazitshëm në shoqëri, duke shitur “gazra” nga makinat e shprenjta, (si benefite të trafiqeve dhe lidhjeve me pushtetin), mirë është që jo vetëm me kokë por edhe me të dyja gjymtyrët ti bien murit, por sot problem i madh është për ata që kanë vite që i bien murit me kokë.
Sa qytetarë ka sot që nga momenti i karantinës masive që hyri në ditën e nëntë nuk kanë para të paguajnë qiranë? Sa qytetarë shohin sesi u sosen ushqimet dhe shkojnë i bien murit me kokë jo nga “karantina shtëpi”, por varfëria e përhershme? Sa qytetarë i bien murit me kokë dhe turbullojnë me të drejtë mendjen kur nuk i plotësojnë një dëshirë qoftë edhe fare të vogël fëmijës së tyre?
Dhe kësaj shtrese që ky njeri nuk e duron, nuk e ka honepsur kurrë i tregon ushtrinë, forcën, gazin losjellës, burgun, gjobën. Kryeministri këtë coronavirus po e lufton me propagandë, shfaqje idiote me automjete ushtarake me mitraloz mbi krye që më shumë se sensibilizim sjellin vetëm panik në popullsi dhe hargalisje pushtetarësh që fshihen pas tytës së gjatë të një arme luftarake.
