Zinedine Zidane do të mbetet trajner i Real Madridit edhe sezonin e ardhshëm, pavarësisht se çfarë do të ndodhë në këtë sezon.
Francezi ka kontratë me klubin spanjoll deri në vitin 2022 mirëpo sipas raportimeve të mediave spanjolle, e ardhmja e tij në klub ka qenë në dyshim dhe këtë e ka pohuar vetë ish-futbollisti.
Por siç duket drejtuesit e Real Madridit kanë vendosur që Zidane të jetë në krye të skuadrës edhe për sezonin e ardhshëm. Arsye për këtë vendim besohet që është pandemia e koronavirusit prandaj klubi spanjoll ka vendosur të marrë një vendim të hershëm në lidhje me të ardhmen e tij.
Real Madrid mbetet ende në garë për dy trofetë më të mëdha të sezonit, atë të La Ligës dhe Ligës së Kampioneve. Në kampionat, Reali, më shumë se forma e mirë që ka treguar vetë, është në garë për shkak të dobësisë së madhe që ka shfaqur Barcelona, ndërsa në Champions ndeshjen e parë kundër City-t për raundin e 1/16-ve e ka humbur me rezultatin 1-2.
