Pothujase e gjithë bota po përballet me një situatë të vështirë për shkak të Koronavirusit por banorët e “Big Brother” në Gjermani e mësuan lajmin së fundmi.
Më 6shkurt, 14 persona u futën në shtëpinë e madhe, në një kohë kur pandemia nuk kishte këto përmasa. Ata e mësuan lajmin nëpërmjet një lidhjeje të drejtpërdrejtë me moderatorin e spektaklit dhe të gjithë u shokuan.
Ata nisën të shqetësoheshin për familjarët e tyre, por për fat të mirë regjia u mundësoi lidhje nga skype me ta. Në momentin që mësuan për pandeminë e Koronavirusit, në shtëpinë e famshme mbizotëroi heshtja dhe banorët e patën të vështirë të pranonin situatën.
Vendimin për t’u treguar banorëve për COVID-19, regjia e mori pasi u përball me një sërë kritikash nga publiku. Ata mendonin se ishte e padrejtë që 14 banorët të mos dinin se çfarë bëhej jashtë me familjarët dhe të afërmit e tyre.
