Ashtu si të gjithë futbollistët e tjerë edhe Romelu Lukaku është i mbyllur brenda në shtëpi për tu mbrojtur nga coronavirusi.
Mirëpo, Lukaku duket se ka shumë të vështirë përshtatjen me jetën në karantinë. Në kanalin YouTube të Ian Wright, një ish-futbollist i Arsenalit, sulmuesi I zikaltërve, ka treguar për vështirësitë që është duke kaluar në këto ditë, duke jetuar i izoluar.
Sulmuesi i Inter ka shkuar edhe më larg, duke thënë se ishte afër që të çmendej një ditë.
“Isha gati të çmendesha një ditë. Nuk mund të dal jashtë shtëpisë, nuk mund të bëj shoping. Jam i mbyllur në shtëpi. Më mungon jeta e përditshme, të jem me nënën, djalin e vëllanë” ka thënë Lukaku.
“Jam me fizioterapistin tim, më sjellin ushqim çdo ditë. Në mbrëmje, darka arrin në kohë, unë ha peshk dhe perime” ,- ka shtuar belgu.
