Këngëtari i njohur, Sinan Hoxha ka qenë pasditen e djeshme në një lidhje ‘Skype’ në emisionin e pasdites me Rudinën.
Ai ka rrëfyer eksperiencën e tij të vetizolimit, duke treguar se kjo periudhë e gjeti në shtëpinë në bregdet, ku ka mundësi të shëtisë më shumë me djalin në oborrin e shtëpisë.
Sinani ka treguar se po kalon shumë mirë me familjen e tij dhe si asnjëherë tjetër ka luajtur shumë me djalin, Ansin. Ai ka shtuar se jeta, rutina e saj, paratë dhe çdo gjë tjetër i kishin rrëmbyer, por tashmë ai ndihet shumë mirë pranë më të dashurve të tij.
Këngëtari e ka mbyllur bisedën duke pohuar se masat e marra janë mëse të duhura për të gjithë shoqërinë.
