Sebastian Vettel gjatë viteve të fundit e ka humbur shkëlqimin e tij në botën e Formulës 1 dhe së fundmi ishte përfolur se ardhmja e tij ishte larg Ferrarit.
Por këto zëra i hedh poshtë shefi i skuadrës së Ferrarit, Mattia Binotto. Në një intervistë për mediat italiane, ai tha se shumë shpejt do të ulen me gjermanin Vettel për të diskutuar për të ardhmen dhe për t’i ofruar një kontratë të re, që do t’i mbante palët të lidhura me njëra-tjetrën edhe për disa vite të tjera.
“Do të ulemi me Vettel, me nga një gotë verë të kuqe përpara dhe do të diskutojmë me detaje të ardhmen e tij te Ferrari. Ne duam të vazhdojmë bashkëpunimin edhe për shumë vite të tjera, ndaj besoj se jemi në rrugën e duhur, por gjithçka është në dorën e Vettel”, deklaroi Binotto.
4 herë kampioni i botës, Vettel, ndodhet nën presion nga shoku i skuadrës, Charles Leclerc, i cili e mundi në sezonin e kaluar, ndërsa duke parë dhe moshën e re të tij forma e tij do të vijë duke u përmirësuar.
