Policia e Shtetit ka vendosur gjoba me nga 10 mijë lekë për 165 shtetas, që nuk kanë respektuar fashat e lëviyjes 06:00-10:00 dhe 16.00-18.00, të vendosura përmes një akti Normativ nga Qeveriapër parandalimin e përhapjes së Covid 19.
“Në zbatim të masave kufizuese për parandalimin e përhapjes së COVID-19, në të gjithë territorin e vendit, shërbimet e Policisë së Shtetit kanë ushtruar dhe vijojnë të ushtrojnë kontrolle për zbatimin e një prej masave kufizuese, asaj të kufizimit të daljes vetëm në fashat orare 06:00 – 10:00 dhe 16:00 –18:00, për të gjithë qytetarët”, thuhet në njoftimin e policisë.
Policia e Shtetit apelon për të gjithë qytetarët që secili të kontribuojë për të parandaluar përhapjen e COVID-19, duke respektuar me rigorozitet masat kufizuese të ndërmarra për këtë qëllim.
